INDIGENOUS HEALTH RIGHTS STATEMENT.
Mara Alangku Palyanytja
Ngura nyanga Australia winkingka wati, minyma, tjitji kulukulu pika wiya nguwanpa rawa nyinapai palu Maru tjuta kutju pika pulkatjara titutjara ngaripai. Kapamantangku alpamilanyangka kutju Anangu Maru pika wiya pukulpa nyinaku munuyanku tjitji atunytju kanyilku. Ngunytjungku mamangku wirura kanyinyangka kutju tjitji tjutangku pitulu pantiliyangku wantiku munuya wanganara kuulakutu ankuku.
Yangupala tjuta ngatakuru wiyaringanyi kaya Anangu Maru winki tjitularira kurunpa iluru-ilururira nyinapai. Australian Kapamantalu uti iti, tjitji kulunypa, tjitji pulkapulka kulu nganmanytju alpamilanma pika wiya, kunpu, pukulpatu pulkaringkuntjaku. Pukularirampaya pitulu, waina, drugs kulu wantiku munuya pulkara nintiringkula watiringkula, kungkawararingkula palya alatjitu wanganara waakariku.
Mayatja pulka tjutangku uti Anangu Maru tjutaku nurses, doctors, midwives, interpreters ma-iyala health workers kutjupa tjuta kulukulu palunya tjananya palyarunguntjaku. Kaya tjara tjukutjuku pikatjararingkunyangka mapalku miritjina uwa munu anga-kanyinma pika pulkaringkuntjaku-tawara, ngura winkingka lipiringkuntjaku-tawara.
Ka kampa kutjupa kulu pulkara kulinma. Panya iriti Anangu Maru uwankaraya ngura walytjangka para-ngarangi munuyanku manta atunymanangi Tjukurpa kulintjatjanungku Inma inkantjatjanungkutu munuya uwankara mayatja tjutangka kuliningi tungunpungkuntja wiya. Nyanganguruya kunpu, tjukaruru, pukulpa alatjitu para-ngarangi. Kapamantitja Tjutangku uti Maru tjuta palyanmanama; utiya tjanala kulinma munu tjanala tjungu waakarima. Alatjirira mantu Anangu Maru palyarungulku.
Prime Minister, nyuntu wantinyangkampa, ngayulu wanyu Australians nyanga palunya tjananya alpamilalku?
Ininku walkatjura:
Ngura kulu:
