Leta bla jad Praim Minista:

The Prime Minister
Parliament House
Canberra ACT 2600
Australia

Preim Minista,

Mi wana toktok la yu blanga ola pipul iya langa Osteliya (Australia). Hau kam sambala pipul olabat sidan helthiwan, en hau kam ola Indijenus pipul olataim faindim mijelp sikwan? Jad lida blanga mibala kantri garra album mibala Indijenus pipul blanga sidan helthiwan du, indit?

Indijenus biginini dai ebri minit nomo laiga najalot non-Indijenus biginini. En mibala pipul dai yangtaim du. En wi get sik ebritaim.

Langa Ostreliya im shud not bi hepen lagajat. Wi gin jeinjim.

Bifo munanga bin gaman, ola Indijenus pipul bin helthiwan. Blanga mibala pipul bin trabul bai fut ebriwe lukaftimbat kantri. En meikimbat seremoni langa najalot kantrimen en respek naja pipul lo blanga olabat en blanga mibala. En wi bin respek ola eldersmob. Lakajat na femili bin ola meikim mijelp strong en bla olabat spirit du bin olweis meikim strong en bi boswan bla olabat laif.

Bat dudei mibala sikbala pipul. Dumaji nomo gudwan woda, nomo gudwan haus, nomo gudwan edyukeishon, nomo gudwan job.

Mibala gin bi rait buji Gabmen mob:

• Album Aboriginal medikul sebis en det meinstrim sebis bla tritimbat Indijenus pipul.
• Treinim Indijenus doktas en ners en natha mob helth wekas.
• Kering blanga pipul en gibit gudwan medisin wen olabat fes faindim det siknis so olabat kan get brabli sik. En meikimsho jad siknis nomo spredat langa mibala komuniti.
• Wi wandim mo beda edyukeishon, mo beda wek en mo beda hausis.

Gabmen lafta album mibala pipul gedim bak olabat strongbala spirit bai gibit mibala respek en ledimbat mibala pipul bla meikim olabat roan wei bai wekimat dugeja.

Wen dijan im hepen Indijenus pipul garra bi strong en mibala garra enkarijim mijelp en album mijelp trai lib hepi laif wei.

Preim Minista buji yu nomo album mibala ola Indijenus pipul wal hu garra album mibala?

Sainim:
Neim:
Adres:
Kantri:
Poskod:
Emeil:

Plis kopi langa emeil, taiping langa diteil en emeil langa.